2015 ආණ්ඩු පෙරළපු කුමන්ත්‍රණයක් ගැන නැවතත් ප්‍රබල ඇමැතිවරයෙකුගෙන් අනතුරු ඇඟවිමක්

2015 මහින්ද රාජපක්ෂ මහතාගේ ආණ්ඩුව තුළ ක්‍රියාත්මක වූ දේශපාලන කුමන්ත්‍රණය යළි ක්‍රියාත්මක වෙමින් තිබෙන බව අමාත්‍ය ප්‍රසන්න රණතුංග මහතා සදහන් කළේය.

මිනුවන්ගොඩ ප්‍රදේයේ රැස්වීමකට එක්වෙමින් ඒ මහතා මේ බව කීය.

‘‘අද රට තුළ ආණ්ඩුව විවේචනය කිරීමේ රැල්ලක් නිර්මාණය වෙමින් තිබෙනවා. විපක්ෂයට ඕනෑ මේක ආණ්ඩු විරෝධි රැල්ලක් කර ගන්න. අදාහනයද, භූමදානයද, දම්මික පැණිය, වරාය නැගෙනහිර ජැටිය සංචාරකයන් දිවයිනට ගෙන ඒම, පාසල් විවෘත කිරීම වගේ විවිධ විෂයන් සම්බන්ධයෙන් විපක්ෂය රට තුළ බොරු වපුරනවා ඒකට අපේ අයත් අහු වෙනවා. මේවා ගැන ආණ්ඩුව තමන්ගේ ස්ථාවරය පැහැදිලි කළත් විපක්ෂය දිගටම බොරුව අරගෙන යනවා සමහර වෙලාවට ආණ්ඩුවේ ප්‍රකාශයට වඩා මිනිස්සු විශ්වාස කරන්නේ මේ විපක්ෂයේ බොරුව. කනගාටුවට කරුණ තමයි අපිට මේ ආණ්ඩුව ගන්න උදව් කරපු සමහර අයත් මේ බොරුව විශ්වාස කරන එක. 2015 දී සිද්ධ වුණෙත් මේකමයි. මහින්ද රාජපක්ෂ ආණ්ඩුව පෙරළන්න මේ විදිහටම බොරු මතවාද සමාජගත කළා. අපේම සමහර අයත් මේ කුමන්ත්‍රණයට අහු වුණා. ආණ්ඩුව අප්‍රසාදයට පත් කිරීමේ කුමන්ත්‍රණයක් මේ වන විට විපක්ෂය ආරම්භ කර තිබෙනවා. ඊට බටහිර බලවේගවල සහයත් ලැබෙනවා. 2015 මහින්ද රාජපක්ෂ ආණ්ඩුවට එරෙහිව තිබුණු කුමන්ත්‍රණයම තමයි අද මහින්ද ගෝඨාභය සුසංයෝගයෙන් සැදි මේ ආණ්ඩුවට එරෙහිව අළුත් වටයකින් ආරම්භ කරලා තියෙන්නේ.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
0
මාර දුකයි !
0
මලපනිනව !
0
කුජීතයි !
0

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්