2019 දී බඳවා ගත් සියලු උපාධිධාරීන් රාජ්‍ය සේවයට අන්තර්ග්‍රහණය කෙරේ

අභ්‍යාසලාභී උපාධිධාරීන් ලෙස පසුගිය රජය 2019දී බඳවා ගත් සියලු ම උපාධිධාරීන් මෙම මස අවසන් වීමට පෙර රාජ්‍ය සේවයට අන්තර්ග්‍රහණය කෙරේ. 

රාජ්‍ය සේවා අමාත්‍යාංශයේ ලේකම්වරයාගේ අධීක්ෂණය යටතේ එම පත්වීම් ලිපි කඩිනමින් පිළියෙල කෙරෙමින් පවතින බව, රාජ්‍ය සේවා පළාත් සභා හා පළාත් පාලන ඇමැති ජනක බණ්ඩාර තෙන්නකෝන් මහතා පවසයි.

ජනවාරි පළමුවන දා පත්වීම් දිනය ලෙස වන සේ මෙම පත්වීම් ලබාදීමට තීරණය කර ඇති බව සඳහන් කරන ඇමැති තෙන්නකෝන්, අවස්ථාවාදී දේශපාලන කල්ලිවල බොරුවලට හසු නොවන ලෙසද කියා සිටී.

පවතින කොවිඩ්-19 වසංගතය නොවන්නට මෙම අන්තර්ග්‍රහණය කිරීමේ කටයුතු අවසන් කිරීමට තම අමාත්‍යාංශයට හැකියාව තිබුණු බව පෙන්වා දෙන ඇමැතිවරයා සිදුවී ඇති ප්‍රමාදය අභ්‍යාසලාභීන්ට බලනොපාන පරිදි කටයුතු කරන බවද පවසයි. 

ඉකුත් ජනවාරි මාසය අවසන් වීමට පෙර මෙම පත්වීම් ලබාදීමට සියල්ල සූදානම් කර තිබුණ ද අමාත්‍යාංශයේ නිලධාරීන් ගණනාවකට කොරෝනාවෛරසය වැළඳීම නිසා ඇතැම් අංශ තාවකාලිකව වසා දැමීමට සිදුවීම මෙම පත්වීම් ලබාදීම ප්‍රමාද වීමට හේතු වූ බව ඇමතිවරයා සඳහන් කරයි.

කෙසේ වුව ද එළැඹෙන 8 වන දා සිට අදාළ අංශ යළි යථාවත් කිරීමත් සමග මෙම උපාධිධාරීන් ස්ථානගත කිරීමේ කටයුතු කඩිනමින් සිදු කිරීමට තමන් විසින් අවශ්‍ය උපදෙස් ලබාදුන් බව ද ජනක බණ්ඩාර තෙන්නකෝන් මහතා පවසයි. 

රජය උපාධිධාරීන් සම්බන්ධයෙන් ගනු ලබන මෙම මිත්‍රශීලී පියවරයන් ඇතැම් අවස්ථාවලදී දේශපාලන කණ්ඩායම් තමන්ගේ වීරකම් ලෙස හුවාදැක්වීමට උත්සාහ කිරීම හාස්‍ය දනවන්නක් බවත් මේ රජය ජනතාවාදී රජයක් බවත් පෙන්වා දෙන ඇමැති ජනක බණ්ඩාර තෙන්නකෝන් රාජ්‍ය සේවයේ උන්නතිය සම්බන්ධයෙන් ඇත්තේත් එම දැක්මම යැයි සඳහන් කරයි.

උපාධිධාරීන් බඳවා ගැනීම සම්බන්ධයෙන් අමාත්‍යාංශයේ නිලධාරීන් සමඟ පැවැති සාකච්ඡාවකදී මෙම අදහස් පළ කළ ඇමැතිවරයා වර්තමානයේ රට මුහුණ දී ඇති අභියෝගාත්මක තත්ත්වය තුළදී වුවද අඛණ්ඩව රාජ්‍ය සේවයක් වෙනුවෙන් කැපවූ සමස්ත රාජ්‍ය සේවයට තම කෘතවේදීත්වය පිරිනමන බව ද පවසයි.

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

සතියේ ජනප්‍රියම පුවත්

කොළඹ කෝටිපතියෙකුගේ පුතා රෝහලක උඩුමහලකින් පැන මරුට කැපවෙයි..

කොළඹ කෝටිපති ව්‍යාපාරිකයකුගේ තරුණ පුතකු කොල්ලුපිටිය ප්‍රදේශයේ පෞද්ගලික රෝහලක දස වැනි මහලෙන් බිමට පැන...

භාතිය හා සන්තුෂ් වෙලෙන්දන් දෙදෙනෙක් පමණයි.. රෝහණ වීරසිංහගෙන් දැඩි ප‍්‍රහාරයක්..

පසුගියදා රෝහණ වීරසිංහ හා භාතිය හා සන්තුෂ් යන අය සමග බොහෝ මත බේදාත්මක කතාබහක්...

26 හැවිරිදි චතුරිකාගේ දේහය යළි ගොඩගනී

යක්කල ප්‍රදේශයේ පදිංචි 26 හැවිරිදි විවාහක කාන්තාවක්ගේ දේහය යළි ගොඩගැනීම සිදු කරනු ලැබුවා. ඇය...

සිංහල සිනමාවේ සිහින කුමාරයාගේ කොලිවුඩ් සම්ප්‍රාප්තිය

හේමාල් රණසිංහගේ ඉන්දියානු සිනමා ආගමනය සටහන් කළ 'සෙකන්ඩ් ෂෝ' (Second Show) නම් වූ කොලිවුඩ්...

අපගේ නවතම පුවත්

0
මේ පුවත ගැන ඔබේ ප්‍රතිචාරය කුමක්ද ?x
()
x