26 හැවිරිදි පුෂ්පකුමාර ප්‍රියදර්ශන අවසන් ගමන් ගියේ අයුරු

හදිසි පිපිරීමකින් තුවාල ලැබූ බව පවසමින් රෝහල් ගතකර සිටියදී මියගිය විදුලි සේවකයෙකුගේ මරණය, වෙඩි වැදීමකින් සිදුවී ඇති බව ආනාවරණ වී තිබෙනවා.
සිද්ධිය සම්බන්ධයෙන් 6 දෙනෙකු සැකපිට පොලිසිය විසින් අත්අඩංගුවට ගනු ලැබුවා.

26 හැවිරිදි පුෂ්පකුමාර ප්‍රියදර්ශන කළුතර දොඩංගොඩ පදිංචිකරුවෙක්.

විදුලිබල මණ්ඩලයේ, වතුගෙදර සීනිගොඩ උප කාර්යාලයේ සේවය කරන ඔහු පසුගිය 30 වැනිදා ඌරගස්මංසන්ධිය, වල්ඉඟුරුකැටිය ප්‍රදේශයේ රැහැන් පරීක්‍ෂාවට ගොස් තිබෙනවා.

එහිදී හදිසියේ ඇතිවූ පිපිරීමකින් තුවාල වූ බව පවසමින් බලපිටිය මූලික රෝහලට ඇතුළත් කිරීමෙන් අනතුරුව ඔහු ජීවිතක්‍ෂයට පත් වුණා.

කෙසේ වෙතත් ඒ සම්බන්ධයෙන් සිදුකළ පොලිස් විමර්ශනවලදී අනාවරණ වුණේ ඔහුගේ මරණය වෙඩි වැදීමෙන් සිදුවූවක් බවයි.

මියගිය විදුලි සේවකයා හා ඔහු සමඟ සිටි සේවකයින් ඔවුන්ගේ මිතුරෙකු වූ පොලිස් නිලධාරියෙකුට අයත් ගිනි අවියක් මිතුරෙකුගේ නිවසේදී පරීක්‍ෂා කර තිබෙනවා.

එම අවස්ථාවේ ගිනි අවිය ක්‍රියාත්මක වී අදාළ විදුලි සේවකයාට වෙඩි වැදී ඇති බවයි පැවසෙන්නේ.

එහිදී අදාළ පොලිස් නිලධාරියා නිවසේ සිටි නොමැති අතර, සිද්ධිය සැලවී වහා නිවසට පැමිණි ඔහු, තම ගිණිඅවිය සැඟවීමට ක්‍රියා කර තිබෙනවා.

විමර්ශන සිදුකරන අම්බලන්ගොඩ පොලිසිය ඔහු විසින් සඟවන ලද ගිනි අවිය සොයාගෙන තිබෙනවා.

ඒ අනුව අදාළ පොලිස් නිලධාරියා හා සිද්ධිය වන අවස්ථාවේ මියගිය පුද්ගලයා සමඟ සිටි විදුලි සේවකයින් 5 දෙනෙකු ද ඌරගස්මංසන්ධිය පොලිසිය විසින් අත්අඩංගුවට ගෙන ඇති අතර, ඔවුන් වැඩිදුර විමර්ශන සඳහා අම්බලන්ගොඩ පොලිසියට භාරදී තිබෙනවා.

මේ අතර මියගිය පුෂ්පකුමාර ප්‍රියදර්ශනගේ දේහය ඊයේ රාත්‍රියේ දොඩංගොඩ නෑහින්න පිහිටි ඔහුගේ නිවසට රැගෙන ආවා.

ලබන මස විවාහ වීමට දහසක් බලාපොරොත්තු පොදිබැද සිටි ඔහුගේ ජීවිත ඉරණම විසඳී තිබුණේ කිසිවෙකුට සිතාගත නොහැකි අයුරින්.

ඔබේ ප්‍රතිචාරය කුමක්ද ?
පට්ට !
5
අවුල් වගේ !
9
හරි හිනා !
5
හම්මෝ !
8
මාර දුකයි !
62
මලපනිනව !
16
කුජීතයි !
10

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්