Home Blog

කොරෝනා මර්දන එන්නත ගන්න බලා සිටි අයට දැනුම්දීමක්

0

කොවිඩ් මර්දන එන්නත්කරණ වැඩසටහන අද (02) දිනයේදීත් දිවයින පුරා ක්‍රියාත්මක කෙරෙනවා. මේ අතර ඇස්ට්‍රාසෙනෙකා එන්නතේ දෙවන මාත්‍රාව ලබන 06 වන දින දක්වා ලබාගත හැකි එන්නත් මධ්‍යස්ථාන පිළිබඳ විස්තර ඇතුළත් නිවේදනයක් නිකුත් කර තිබෙනවා. 


ඒ අනුව අද (02) දිනයේ දී බත්තරමුල්ල – දියත උයන පරිශ්‍රයේ දී සහ විහාර මහා දේවී උද්‍යානයේ දී පැය 24 පුරා ක්‍රියාත්මක එන්නත්කරණ මධ්‍යස්ථාන ක්‍රියාත්මක බවයි සෞඛ්‍ය අංශ සඳහන් කළේ. එමෙන්ම ඇස්ට්‍රාසෙනෙකා එන්නතේ දෙවන මාත්‍රාව ලබාදීම සඳහා බත්තරමුල්ල දියත උයන එන්නත් මධ්‍යස්ථානය අද (02) දිනයේ සිට අගෝස්තු 04 වැනිදා දක්වා පැය 24 පුරා විවෘත බව වාර්තා වනවා.

මේ අතර අද (02) දිනයේ දිවයින පුරා ක්‍රියාත්මකවන කොවිඩ් මර්දන එන්නත්කරණ මධ්‍යස්ථාන පිළිබඳ විස්තර පහතින්. 

එන්නත්කරණය සිදුකෙරෙන මධ්‍යස්ථාන මෙතැනින්..

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
6
හම්මෝ !
0
මාර දුකයි !
1
මලපනිනව !
1
කුජීතයි !
1

රිෂාඩ්ගේ පවුලේ සියලු දෙනා මානසික වෛද්‍යවරයෙක් වෙත යොමු කරන්න අවශ්‍යයි – රජයේ ඇමතිවරයෙකු කියයි

0

ගැහුණු දරුවන් ලිංගික හිංසනවලට ලක් කිරීම සම්බන්ධයෙන් පාර්ලිමේන්තු මන්ත්‍රී රිෂාඩ් බදුර්දින්ගේ පවුලේ සාමාජිකයින් වෙත එල්ලවන චෝදන ඇත්තනම් එම පවුලේ සියලු දෙනා මානසික වෛද්‍යවරයෙකු වෙත යොමු කළ යුතු බවයි අමාත්‍ය මහින්ද අමරවීර ප්‍රකාශ කර සිටිනවා.

“තම නිවසේ මෙහෙකාර සේවය සඳහා ගෙන්වන ලද අඩු වයස් දරුවන් මෙන්ම වෙනත් කාන්තාවන් ගණනාවකට ලිංගික හිංසනයන්ට වගේම පිළිස්සීම හා පහරදීම් ලක් කර ඇති බවට රිෂාඩ් බදුර්දීන් හා ඔහුගේ පවුළේ සාමාජිකයින් ගණනාවකට චෝදනා එල්ල වී තිබෙනවා.

මෙම චෝදනා ඇත්ත නම් ඔවුන්ට එරෙහිව නීතිමය ක්‍රියාමාර්ග ගන්නවා මෙන්ම ඔවුන්ගේ පවුළේ සියලු දෙනා මානසික වෛද්‍යවරයෙකු වෙත යොමු කොට මොළේ පරීක්ෂා කළ යුතු” යැයි මාධ්‍යවේදීන් නැගු ප්‍රශ්නයකට පිළිතුරු දෙමින් අමාත්‍යවරයා ප්‍රකාශ කර සිටියේ.

” බාල වයස්කාර දැරියක් ගිනි තබාගෙන මිය යාම සම්බන්ධයෙන් චෝදනා එල්ල වූ චෝදනා මත දැන් හෙළිවෙමින් පවතින කරුණු අනුව පෙනී යන්නේ රිෂාඩ් බදුර්දීන් ගේ පවුළේ අය මෙහෙකාර සේවයට නිවසට ආ කාන්තාවන් රැසක් ලිංගික අඩන්තේට්ටම්වලට ලක් කර ඇති බවයි. මාධ්‍ය විසින් පළ කරන තොරතුරු අනුව එම චෝදනා ඉතාමත් බරපතලයි. තමන්ගේ නිවසට මෙහෙකාර සේවයට ආ කාන්තාවන් ඒ අන්දමින් ලිංගික අඩන්තේට්ටම්වලට ලක් කර ඇත්නම් ඒක බරපතල අපරාධයක්.

අමනුස්සයන් මෙන් මේ ආකාරයට කටයුතු කළ හැකි දැයි සිතා බැලිය යුතුයි. සතෙකුටවත් හිංසා කිරීමට සැබෑ මනුස්සයින්ට නම් කළ නොහැකියි. ඒ නිසා මේ චෝදනා ඇත්ත නම් ඔවුන්ගේ පවුළේ සියලු දෙනාම මානසික වෛද්‍ය පරීක්ෂාවකට ලක් කළ යුතුයි.

අනික් කාරණය තමයි අඩු වයස් දරුවන් මේ අන්දමට නිවෙස්වල බැළ මෙහෙවරකම් කිරීමට යොමු කිරීම සම්බන්ධව ඒ මව්පියන් ගැනත් සොයා බැලීමක් කළ යුතුයි. දුප්පත්කම හෝ අඟහිඟකම් තිබිය හැකියි. ඒ මව්පියවරු දැන් කියන්නේ ණය මුදලක් පියවීමට තිබු නිසා ඒ ගැහැණු දරුවා මෙහෙකාර කමට දුන්නා කියායි. එතකොට පැහැදිළීව පෙනෙනවා මුදල් අපේක්ෂාවෙන්ම ඒ දරුවා විකුණළා කියළා. ඒ නිසා අඩු වයස් දරුවෙක් මේ අන්දමින් මෙහෙකාර සේවයට යෙදවීම ගැන ඒ මව්පියන්ටත් එරෙහිව නීතිය ක්‍රියාත්මක කළ යුතුයි.

කොහොම වුනත් මෙවැනි අමනුස්ස ක්‍රියාකාරකම් ශිෂ්ට සමාජයක් විසින් අනුමත කරන්නේ නැහැ.මේ සම්බන්ධව නීතිමය ක්‍රියාමාර්ග ගැනීම සිදුවෙනවා. දැන් හෙළිදරව් වන කාරණා අනුව රිෂාඩ් බදුර්දීන්ලා තම ගෙවල් ඇතුළේ මෙහෙකාර සේවය කරන අහිංසක දරුවන් හා කාන්තාවන් සම්බන්ධව කටයුතු කර තිබෙන ආකාරය ඉතාමත් නින්දිතයි” අමාත්‍යවරයා ප්‍රකාශ කර සිටියේ.

ඔබේ ප්‍රතිචාරය කුමක්ද ?
පට්ට !
1
අවුල් වගේ !
0
හරි හිනා !
0
හම්මෝ !
0
මාර දුකයි !
6
මලපනිනව !
2
කුජීතයි !
3

මෙරට කොවිඩ් ව්‍යාප්තිය ඉහළට – අවදානම දැක්වෙන නවතම සිතියම එළියට

0

මෙරට කොවිඩ් ව්‍යාප්තියේ දැඩි අවදානම් සහිත ප්‍රදේශ සම්බන්ධයෙන් වසංගත රෝග විද්‍යා ඒකකය විසින් සිය නවතම යාවත්කාලීන වාර්තාව නිකුත් කර තිබෙනවා.

එම යාවත්කාලීන කිරීම ඉකුත් ජුලී මස 24 වෙනිදායින් අවසන් වන ගතවු දින 14 තුලදී මෙරටින් වාර්තා වූ කොවිඩ් ආසාදිතයින්ගේ තොරතුරු ආශ්‍රිතව සිදුකොට තිබෙනවා.

ඒ නිරෝධායන මධ්‍යස්ථාන, සෞඛ්‍ය වෛද්‍ය නිලධාරි කාර්යාල සහ වාර්තා වූ ආසාදිතයින් සංඛ්‍යාව අනුව මෙම සිතියම සකස් කොට ඇත.

එම සිතියම පහතින් දැක්වේ.

ROTEE 002 | Gossip Lanka
මෙරට කොවිඩ් ව්‍යාප්තිය ඉහළට - අවදානම දැක්වෙන නවතම සිතියම එළියට
ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
0
මාර දුකයි !
8
මලපනිනව !
2
කුජීතයි !
0

ප්‍රධාන රූපවාහිනි නාලිකාවකට යුටියුබ් වෙතින් තහනමක්!

0

ඕස්ට්‍රේලියාවේ ප්‍රධානතම සහ දැවැන්තම රූපවාහිනි නාලිකාව වන “Sky News (ස්කයි නිව්ස්)” ආයතනය වෙත යුටියුබ් (Youtube) වෙතින් තහනමක් පනවා තිබෙනවා.

මෙයට හේතුව වී තිබෙන්නේ එම නාලිකව මඟින් පළ කරන ලද කොවිඩ්-19 වසංගතය පිළිබඳව තොරතුරු අසත්‍ය බවට අනාවරණය වීමයි. මේ හේතුවෙන් එම නාලිකාවේ විඩීයෝ දර්ශන කිහිපයක් ද එම සමාජ මාධ්‍ය තුළින් ඉවත් කර තිබෙනවා.

මෙම තහනම සතියක කාලයක් බලපැවැත්වෙන බවයි විදෙස් මාධ්‍ය වාර්තා කර තිබෙන්නේ.

අදාළ නාලිකාවේ සාමාජිකයන් මිලියන 1.68ක් සිටින අතර තහනම පවතින කාලය තුළදී සජීවි විකාශයන්, වීඩියෝ දර්ශන උඩුගත කිරීම් ඇතුළු පහසුකම් තාවකාලිකව අත්හිටුවා තිබෙනවා.

නාලිකාවට තහනම පැනවීමට හේතු වුණු වීඩියෝ දර්ශන කාලයකට ඉහත දී දමන ලද ඒවා බවත්, කොවිඩ්-19 වැනි වෛරසයක් ලෝකයේ නැති බවට වන අදහස් සමාජගත වන ආකාරයේ වීඩියෝ හේතුවෙන් මෙම තහනම පනවා ඇති බවටයි වාර්තා වන්නේ.

ඔබේ ප්‍රතිචාරය කුමක්ද ?
පට්ට !
6
අවුල් වගේ !
10
හරි හිනා !
44
හම්මෝ !
9
මාර දුකයි !
6
මලපනිනව !
21
කුජීතයි !
15

නිදාගත් ඇඳේ මෙට්ටය යටින් නයි පැටව් 30ක් හමු වූ හැටි

0

මාවතගම දෙල්ගොල්ලවත්ත ප්‍රදේශයෙ නිවෙසක නිදන ඇඳක මෙට්ටයක් යට සිටියදී නයි පැටවුන් 30 දෙනකු සොයා ගත් පුවතක් වාර්තා වෙනවා.
නිවැසියන් කරන ලද දැනුම් දීමකට අනුව පරිසරවේදියකු වන කුරුණෑගල දිස්ත්‍රික් ලේකම් කාර්යාලයේ සේවය කරන කැළුම් සෝමරත්න එම නිවසට ගොස් කරන ලද සොයා බැලීමකින් පසුව මෙම නයි පැටවුන් 30 දෙනා සොයා ගැනීමට හැකිවී තිබෙනවා.

මෙම සිද්ධියේ විශේෂත්වය වන්නේ නිවෙස් හිමියාගේ බිරිඳ සහ දරුවන් නිදා සිටියදීම එම ඇඳේ මෙට්ටය යට මෙම නයි පැටවුන් 30 දෙනාද දින ගණනාවක්ම සිටීමයි.

ඊට පෙර දිනයේ නිවෙස තුළ සිටියදී ප්‍රථමයෙන්ම නයි පැටවුන් දෙදෙනකු හමුව ඇති අතර නිවෙස් හිමියා බියට පත්ව එම සතුන් දෙදෙනාට පහරදී මරා දමා තිබෙනවා.

ඉන් පසු දින රාත්‍රියේ ඇඳට දමා තිබූ මදුරු දැලෙන් ඇතුළු වූ තවත් නයි පැටවෙකු ඇඳේ නිදා සිටි අයකුගේ සිරුර මතින් ගමන් කර ඇති අතර ඉන් මහත්සේ බියට පත් ඔවුන් පසුව සැකයට මෙන් ඇඳ පරීක්ෂා කර බලත්දී ඇඳට දමා තිබෙන ලෑල්ලක් සහ මෙට්ටයත් අතර කොටසේ පොදියක් මෙන් සිටින නයි පැටවුන්ව දැක තිබෙනවා.

ඔවුන් පසුව ඒ බව පරිසරවේදියකු වන කැළුම්ට දැනුම් දීමෙන් පසුව ඒ මහතා පැමිණ නිවෙස පරීක්ෂා කර බලා ඇඳේ මෙට්ටය යට සිටි නයි පැටවුන් ආරක්ෂිතව ඉවත් කර තිබෙනවා.

එම නිවෙස දැඩි පරීක්ෂාවකට ලක් කළද වෙනත් නයි පැටවුන් හෝ මවු සතා හෝ පැටවුන් බිහිවූ බිත්තර වල කටු පවා හමු නොවූ බවද නමුත් පැරණි නිවෙසක් වන එහි කොටසක ඇති බෙනයක් වැනි ස්ථානයකින් මවු සතාගේ බවට සැක කරන හැවක් සොයා ගැනීමට හැකිවූ බවද කැළුම් වැඩිදුරටත් සඳහන් කරනවා.

ඔබේ ප්‍රතිචාරය කුමක්ද ?
පට්ට !
3
අවුල් වගේ !
2
හරි හිනා !
6
හම්මෝ !
55
මාර දුකයි !
1
මලපනිනව !
6
කුජීතයි !
7

ඇමති බන්දුල නූලෙන් බේරේ.. ගල්ලෙනක කළු ගලක් හිස අසලින්ම බිමට වැටේ..!

0

ඉහළ සිට පතිත වුණු කළු ගලකින් අමාත්‍ය බන්දුල ගුණවර්ධන මහතා නූලෙන් බේරී ඇතැයි වාර්තා වෙයි.

කළුතර බුලත්සිංහල පාහියන්ගල ගල්ලෙන දැකබලා ගැනීමට ගිය අවස්ථාවේ අමාත්‍යවරයා මෙම  තත්ත්වයට මුහුණ දී ඇත.

ඔහු ගෙන පාමුලට පැමිණි අවස්ථාවේ ඉහල සිට කළු ගලක් අමාත්‍ය වරයා අසලින්ම බිමට පතිත වී ඇත.

ආරක්ෂ නිලධාරීන් විසින් අමාත්‍යවරයා කඩිනමින් ගුහාව ඇතුලට සඳහා කැඳවාගෙන ගොස් තිබේ.

එම ස්ථානයේ ගලක් කඩා වැටී ඇත්තේ වසර ගණනාවකට පසු බව එහි සිටි පිරිස් සඳහන් කර තිබේ.

උපුටා ගැනීම : ලංකා සී නිව්ස්

ඔබේ ප්‍රතිචාරය කුමක්ද ?
පට්ට !
25
අවුල් වගේ !
2
හරි හිනා !
87
හම්මෝ !
4
මාර දුකයි !
11
මලපනිනව !
5
කුජීතයි !
11

බිත්තර පැටිස් එකක් තුළ රුපියල් 20 ක මුදල් නෝට්ටුවක්

0

යාපනය නගරයේ හෝටලයකින් ඊයේ (01) පාරිභෝගිකයෙකුට ආහාරය පිණිස ලබාදුන් බිත්තර පැටිස් එකක් තුළ රුපියල් විස්සක මුදල් නෝට්ටුවක් තිබී හමු වී තිබෙනවා.

මේ අවස්ථාවේදී පාරිභෝගිකයා හා හෝටල් හිමියා අතර බහින් බස් වීමක් සිදුව ඇතත් පසුව දෙදෙනාම සමථයකට පත්ව ඇති බවයි අප වාර්තාකරු පැවැසුවේ.

අදාල සිද්ධිය සමථයකට පත් වීම නිසා ඒ පිළිබදව පාරිභෝගිකයා සෞඛ්‍ය අංශ වෙත දැනුම් දී නොමැති බවයි සඳහන් වන්නේ.

ROTEE 002 | Gossip Lanka
බිත්තර පැටිස් එකක් තුළ රුපියල් 20 ක මුදල් නෝට්ටුවක්
ROTEE 001 | Gossip Lanka
බිත්තර පැටිස් එකක් තුළ රුපියල් 20 ක මුදල් නෝට්ටුවක්
ඔබේ ප්‍රතිචාරය කුමක්ද ?
පට්ට !
1
අවුල් වගේ !
1
හරි හිනා !
8
හම්මෝ !
0
මාර දුකයි !
1
මලපනිනව !
1
කුජීතයි !
19

ගුරු සහ විදුහල්පති සංගම්වලින් සේවයට වාර්තා නොකිරීමේ තීරණයක්

0

දිවයින පුරා සියලු ගුරුවරුන් සහ විදුහල්පතිවරුන්ද අද (02) සිය රාජකාරී සඳහා වාර්තා කළ යුතුය.

රාජ්‍ය සේවා, පළාත් සභා හා පළාත් පාලන අමාත්‍යංශය විසින් නිකුත් කර ඇති චක්‍රලේඛයට අනුව අද සිට දිවයින පුරා සියලු ගුරුවරුන් සහ විදුහල්පතිවරුන්ද සේවයට වාර්තා කළ යුතු බව අධ්‍යාපන අමාත්‍යාංශ ලේකම් මහාචාර්ය කපිල පෙරේරා මහතා දැනුම්දී තිබේ.

සියලු පළාත් අධ්‍යාපන දෙපාර්තමේන්තු, කලාප හා කොට්ඨාස අධ්‍යාපන කාර්යාලවල නිලධාරීන් සහ කාර්යමණ්ඩල ද සියලුම පාසල්වල අධ්‍යයන හා අනධ්‍යයන කාර්යමණ්ඩලය ද අද සේවයට වාර්තා කළ යුතු බවද අධ්‍යාපන ලේකම්වරයා දැනුම්දී ඇත.

කෙසේවෙතත් ගුරු විදුහල්පති වෘත්තිය සමිති අද දිනයේ සේවයට වාර්තා නොකිරිමට තීරණය කර තිබේ.

ලංකා ගුරු සංගමයේ ලේකම් ජෝසෆ් ස්ටාලින් මහතා පැවසුවේ සිය වෘත්තිය සිමිති තීරණය සම්බන්ධයෙන් අධ්‍යාපන අමාත්‍යාංශ ලේකම්වරයා ලිඛිතව දැනුවත් කර ඇති බවය.

“දැනටමත් අපි වෘත්තීය ක්‍රියාමාර්ගයක ඉන්නේ. ඒ වෘත්තීය ක්‍රියාමාර්ගය අඛණ්ඩව යන තත්ත්වයක තමයි මේ නිවේදනය දාලා තියෙන්නේ. අද දිනයේ පාසල්වලට සම්බන්ධ වෙන්න එපා කියලා අපි පැහැදිලිව කියලා තියෙන්නේ. හෙට යහපත් ප්‍රතිචාරයක් නොලැබුණොත් අපි කොළඹට රථ පෙළපාලියකින් ගමන් කරනවා.”

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
0
මාර දුකයි !
0
මලපනිනව !
0
කුජීතයි !
0

ගණිකා නිවාසයේ කතාවට අනූෂාගේ පිළිතුර

0

මෙරට සිනමාවේ මෙන්ම පුංචි තිරයේ ද රංගන ශිල්පිනියක් මෙන්ම නර්තන ශිල්පිනියක් ලෙසින් ද ප්‍රේක්ෂකයන්ගේ ආදරය එදා සිට අද දක්වා එක ලෙස දිනා ගැනීමට ඇය සමත් වූවාවාය. ඇය පිළිබඳ කාලයෙන් කාලයට විවිධ පුවත් ප්‍රචාරය විණි. ඇය පසුගිය වකවානුවේ දේශපාලන වේදිකාවට ද නැංගාය.   

මේ සුරූපී රංගන හා නර්තන ශිල්පිනිය අනුෂා දමයන්තිය. තමා ගැන පළවූ ප්‍රවෘත්ති සම්බන්ධයෙන් ඇය අපරාධ පරීක්ෂණ දෙපාර්තමේන්තුවට (CID) පැමිණිල්ලක් ද පසුගියදා ඉදිරිපත් කළාය. මොකක්ද මේ කතාවේ සුලමුල? මේ සියල්ල දැනගැනීමේ අරමුණින් අනුෂා සමග කතාබහ කරන්නට අපි අදහස් කළෙමු. මේ අැයගේ කතාබහේ සටහනයි. 

මොකක්ද අනුෂා මේ ගණිකා නිවාසයක් ඔයා මාලබේ ප්‍රදේශයේ නිවසක පවත්වාගෙන ගියා කියලා පැතිරෙන කතාව. ඇත්තටම එහෙම දෙයක් වුණා ද?   

ඇත්තටම මට මාලබේ ගෙයක් නෑ. මම හිතන්නේ මුළු ලංකාවම දන්නවා මගේ පදිංචිය මාලාබේ නෙවෙයි. අවුරුදු විසිපහකටත් එහා මගේ පදිංචිය අතුරුගිරියේ. අතුරුගිරිය පළාතෙන් අනුෂා දමයන්ති කියන්නේ කවුද කියලා හැමෝම දන්නවා. ඇත්තටම මේ සිද්ධිය වෙබ් අඩවියකින් මතු කළ එකක්. ඒක දාලා තිබුණේ එදින සිදු වූ සිද්ධියක් විදිහටයි. එදා මම කතරගම මුරුතැන් පූජාව තියලා සරස්වතී කෝවිල අස්කරලා ශුද්ධ කරන දවස එදා මම හිටියේ කතරගම.   

22 වැනිදා මගේ යාළුවෙක් කතා කරලා අනුෂා ඔයාට නරක නිවුස් එකක් ෆේස්බුක් එකේ යනවා. මට මේ කේන්තියටමයි ඔයාට කියන්න හැදුවේ කිව්වා. මම කිව්වා මට මඩගහල ද? හා අක්කේ එහෙනම් ඒක එවන්නකෝ කියලා. එයා මට කිව්ව එක බලලා මුලින්ම මට හිනා ගියා. හැබැයි දිගටම ලියා තිබෙන දේශපාලන දේවල් ඈඳාගෙන තිබෙන කතාව ආපහු බැලුවාම මම බැලුවා මේ මොකක්ද මේ කතාව කියලා. ඒක ඒ වෙලාවේ බරපතළ විදිහට ගත්තේ නැතිවුණාට පස්සේ මට හිතුණා මේක බරපතළ චෝදනාවක් කියලා. මට සිතුණා නොදන්න පිරිස වැඩියි. ඒ නිසා මේ ගැන කතා කරන්න ඕනෑ කියලා.   

ඔයා මේ ප්‍රවෘත්තියට අදාළ වූ පොලිසිය භාර අමාත්‍ය රියර් අද්මිරාල් සරත් වීරසේකර මහතා මේ ගැන කතා කළා ද?   

ඔව්. ඒ වෙලාවෙම සරත් වීරසේකර සර්ගේ දුරකථන අංකය සොයාගෙන මම කතා කළා. මොකද ෆේස්බුක් එකේ කියලා තිබෙන්නේ මට මාලබේ ගෙයක් තිබෙනවාලු. ඒකට වලාන දූෂණ මර්දන ඒකකයෙන් පැන්නලු. එහිදී ගැහැණු ළමයි ටිකක් ඉඳලා එයාලගෙන් මෙහි අයිතිකාරිය කවුද කියා අැසූ විට අනුෂා දමයන්ති කියන සිනමා නිළියලු. එයාගේ ගෙදරට ප්‍රකාශයක් ගන්න ගිය විටදී සරත් වීරසේකර සර්ට කතාකරලා කිව්වාම ඒ නිලධාරීන්ට අසභ්‍ය වචනයෙන් සර් බැණ වැදුණා කියලයි එතන ලොකු කතාවක් තිබෙනවා. මම බැලුවා මොකක්ද මේ කියලා. ඒහින්දා මම සර්ට කතා කළා. කතාකරනකොටම සර් කිව්වේ. ඔව් අනුෂා මම දන්නවා. ඒ සිද්ධිය. මම දවස් දෙකකට ඉස්සෙල්ලා දැන ගත්තෙ. ඒ පිළිබඳව ක්‍රියා කරලා තිබෙන්නේ. වැඩිදුර යමක් ක්‍රියා කරන්න ඕනෑ නම් අනුෂා ගිහින් සීඅයිඩීයට පැමිණිල්ලක් දාන්න කිව්වා.   

මම එදා උදේ නුවර හිටියේ. දවස් තුනක වැඩකට ගිහින් හිටියේ. ඒ වැඩෙත් දාලා එදාම රෑ මම ගෙදර ආවා. පසුවෙනිදා උදේ CID එකට ගිහින් පැමිණිල්ලක් දැම්මා. ඒකෙන් තේරෙන කාරණ කිහිපයක් තිබෙනවා. නිළියක් හැටියට මට මඩගහන්න වුවමනා වුණේ නෑ. ඒකෙ පැහැදිලිවම අවශ්‍ය වුණේ මම දේශපාලනය තදින් කරපු නිසා මා හරහා යම් දේශපාලන තැන්වලට මඩ ගහන්න. ඒ කතාවට සරත් වීරසේකර සර් එනවා වලාන දුෂණ මර්දන ඒකකයත් එනවා. ඒ කියන්නේ මාව ඉත්තෙක් කරගෙන මේ රටේ නීතිය හරියට සිද්ධ කරන්නේ නෑ, මේ රටේ රාජ්‍ය ආයතන ඇමැතිවරයා පාලනය කරනවා වගේ පණිවියක් නේද මේ දෙන්න හදන්නේ. මම හිතන්නේ මෙය දේශපාලන පළිගැනීමක්. සරත් වීරසේකර සර්ගෙනුත් ගත්තේ දේශපාලන පළිගැනීමක් හැටියටයි මම දකින්නේ.   

මගේ නිර්දෝෂීභාවය කියන්න ඕනේ නෑ. හදවතට එකඟව මම දන්න නිසා ඒක නොවෙයි ඊට පස්සෙ මට දැණුනු එකම දේ. මම සීඅයිඩී එකට ගිහින් ඒකයි පැමිණිලි කළේ. මම කිව්වේ මම අවශ්‍ය මම නිර්දෝෂී කියන්න නෙවෙයි. එහෙම ඕනෑ නෑ. මගේ හෘදය සාක්ෂිය දන්නවා මම එහෙම අල්පමාත්‍ර කෙස්ගහක දෙයක් කරලා නෑ කවරදාකවත් මගේ වටා සිටින අයත් දන්නවා. හැබැයි මට මේ කරපු පුද්ගලයා ඕනේ මේක කළේ කවුද? මම කිව්වා එයාව නීතිය ඉදිරියට ගේන්න කියලා. ගෙනල්ලා ඒ කෙනා කවුද කියලා අධිකරණයට ඉදිරිපත් කරලා දැඩි දඬුවම් පමුණුවලා, ඒ කෙනා ප්‍රසිද්ධ කරන්න මෙයා තමයි මේක කළේ කියලා. මම කිව්වා ඒක කරනතුරු මම මෙය නතර කරන්නේ නෑ කියලා.   

සමහරු කියන්න පුළුවන් ගින්නක් නැතුව දුමක් නගින්නේ නෑ වගේ කතාවක්. එහෙම සැකයක් ඇති වෙන්න පුළුවන් නේ ද?   

එහෙම වෙන්න පුළුවන්. මගේ තාත්තා අවුරුදු 20 කට අධික කාලයක් ඉතාලියේ ඉන්නේ. එයා අවුරුද්දකට දෙපාරක් විතර ඇවිල්ලා යනවා. ඒ හැම කැප කිරීමක්ම අපේ දෙමවුපියෝ කරලා තිබෙන්නේ අපේ හෙට දවස ලස්සනට ජීවත් කරවන්නයි. ඉතිං මේ දැන් ලස්සනට ජීවත් වෙන්නේ අපේ තාත්තගේ අම්මාගේ දහඩිය හින්දයි. පහත් වැඩ කරලා නොවෙයි. මගේ තාත්තා දුක් මහන්සි වෙලා සල්ලි හම්බ කරන්නේ. එහෙම හම්බකරලා ගොඩනැගුණු ජීවිත මේ. ඉතිං එහෙම ජීවිතවලට මෙවැනි නින්දිත විදිහට කවුරු හරි චෝදනා කරනවා නම් අපහාස කරනවා නම් ඒක දරාගෙන ඉවසගෙන ඉන්න බැහැ නේද?. ඒ නිසා මම ඇත්තටම නීතියෙන් ඉල්ලන්නේ මෙවැනි ඒවාට වාරණ දාන්න. මෙවැනි ඒවාට නීති සම්පාදනය කරන්න. මෙවැනි පුද්ගලයන් මාධ්‍ය ඉදිරියට ගෙනල්ලා පෙන්වන්න. එහෙම එකපාරක් කරන්න. එතනින් එහා කවදාවත් කරන එකක් නෑ.   


ඔයා පසුගිය කාලයේත් දේශපාලන වේදිකාවල කළ ප්‍රකාශ හින්දා මෙවැනි ප්‍රශ්නවලට ලක්වුණා ද?   

ඔව්. සාමාන්‍යයෙන් කලාකාරිනියක් හැටියට දේශපාලනය තෝරගන්නකොටම ඔය මඩ ප්‍රහාර සියල්ලට ලෑස්තිවෙන්න ඕන. ඕනෑම රටක පක්ෂය හා විපක්ෂය කියලා දෙපැත්තක් ඉන්නවානේ. සමාජය දෙස බැලුවාම සාමාන්‍යයෙන් දේශපාලනඥයන් දෙපැත්තක හිටියත් ඔවුන් බෙදෙන්නේ නැතුව හිටියට මිනිස්සු බෙදිලා ඉන්නේ. ඒක තමයි ඇත්තම කතාව. වේදිකාවේ දේශපාලඥයන් ගහගත්තාට සහයෝගයෙන් වැඩ කරන්නේ. මිනිස්සු එහෙම නෑ. තරහයි, වෛර කරනවා. දෙපැත්තට බෙදිලා ගහමරා ගන්නවා. ඒක පක්ෂයකට ගිය විටදී අනෙක් පක්ෂයේ අයගෙන් අනිවාර්යයෙන්ම මඩ ප්‍රහාර එල්ල කරනවා. නින්දා කරනවා. ඒවා දරාගන්න පුළුවන් විදිහේ ඒවා නම් කමක් නෑ. සාමාන්‍යයෙන් මට ඒ වගේ ගොඩාක් දේවල් කරලා තිබෙනවා. මම ඒවා ගණන් ගන්නේ නෑ. මොකද මගේ හෘද සාක්ෂිය එකඟයි.  

කොන්ද කෙළින් තියාගෙන වරදක් කරලා නැති පහත් වැඩක් කරලා නැති කෙනෙක් විදිහටයි මම දේශපාලන වේදිකාවට නැග්ගේ. පිරිසිදු හින්දයි එහෙම නැග්ගේ. නැත්නම් දේශපාලන වේදිකාවලට මම නගින්නේ නෑ.

කතාබහ කළේ – සමන්ත යහම්පත්  සාරවිට

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
2
හම්මෝ !
1
මාර දුකයි !
0
මලපනිනව !
1
කුජීතයි !
0

ගැබිනි රාජ්‍ය සේවිකාවන්ට රජයෙන් දැනුම්දිමක්

0

රාජ්‍ය සේවයේ නියුතු ගර්භණී කාන්තාවන් අද (02 වැනිදා) සිට අනිවාර්යෙන්ම සේවයට වාර්තා කළ යුතු බව රාජ්‍ය සේවා, පළාත් සභා හා පළාත් පාලන අමාත්‍යාංශ ලේකම් ජේ.ජේ රත්නසිරි ‘අරුණ’ට පැවසීය.
ලේකම්වරයා පෙන්වා දෙන්නේ ගර්භණී කාන්තාවන්ටද කොවිඩ් එන්නත ලබා ගැනීම සුදුසු යැයි සෞඛ්‍ය අංශ නිර්දේශ කර ඇති මොහොතක, එම නිලධාරිනියන් පමණක් සේවයට නොකැඳැවීමට වෙනත් හේතුවක් නොමැති බවය.

කෙසේ වෙතත් ආයතන සංග්‍රහයේ ඇති වරප්‍රසාද නිවාඩු එම නිලධාරිනියන්ට ලබා ගත හැකි බවත් ඊට අමතර නිවාඩු ලබා ගැනීමට අවශ්‍ය නම් ආයතන ප්‍රධානියාට වෛද්‍ය වාර්තාවක් ඉදිරිපත් කිරීමට හැකි බවද ලේකම්වරයා සඳහන් කළේය.

රාජ්‍ය නිලධරයන් බහුතරයක් එන්නත්කරණයට ලක්කර ඇති බැවින් රජයේ කාර්යයන් බිඳවැටිමකින් තොරව සාමාන්‍ය පරිදි පවත්වා ගැනීමට ප්‍රමුඛතාවය ලබා දෙන ලෙස ජනාධිපති ලේකම් පී.බී ජයසුන්දර පසුගිය 29 වැනිදා ලිඛිත උපදෙස් ලබා දී ඇත.

ඒ අනුව සියලුම රාජ්‍ය සේවකයන් අද (02 වැනිදා) සිට සාමාන්‍ය පරිදි සේවයට වාර්තා කළ යුතු බව දන්වමින් රාජ්‍ය සේවා, පළාත් සභා හා පළාත් පාලන අමාත්‍යාංශයේ ලේකම් ජේ.ජේ. රත්නසිරි පසුගිය 30 වැනිදා චක්‍රලේඛයක් නිකුත් කෙරිණි.
රාජ්‍ය සේවය සාමාන්‍ය පරිදි පවත්වා ගෙන යාමේදී දුරස්ථභාවය, මුඛ ආවරණ පැලඳීම සහ දෑත් පිරිසිදු කිරීම ඇතුළු සෞඛ්‍ය උපදෙස් තවදුරටත් එලෙසම අනුගමනය කළ යුතු බවද චක්‍රලේඛයේ දැක්වේ.

ආයතනික කාර්ය මණ්ඩලය මෙන්ම සේවාලාභීන්ද කොවිඩ් වයිරසය ආසාදනය වීමෙන් වළක්වා ගනිමින් සේවා සැපයීමේ වගකීම ආයතන ප්‍රධානීන් වෙත පැවරේ.

එමෙන්ම අද සිට රජයේ නිලධරයන්ගේ නිවාඩු සම්බන්ධයෙන් සාමාන්‍ය විධිවිධාන අනුගමනය කළ යුතු වේ.

කිසියම් රජයේ සේවකයකු නිරෝධායනයට යොමුකර ඇත්නම් හෝ එසේ නිරෝධායනයට යොමුකර ඇත්තේ නිරෝධායන නීති උල්ලංඝනය කිරීමට දඬුවමක් ලෙස නොවන්නේ නම් පමණක් ඔවුන්ට සම්පූර්ණ වැටුප් සහිත නිවාඩු කාලයක් හිමිවනු ඇති බවද ලේකම්වරයා අවධාරණය කරයි.

මෙම චක්‍රලේඛය නිකුත් කිරීමට පෙර බලාත්මක වූ චක්‍රලේඛ විධිවිධාන අනුව නිලධරයන් සේවයට කැඳවූ කාලසීමාව තුළ ඔවුන් ලබා ගත් නිවාඩු, සේවය ස්ථිර කිරීම්, උසස්වීම් ලබා ගැනීම සහ විශ්‍රාම ගැන්වීම් පිළිබඳ උපදෙස් ඉදිරියේදී නිකුත් කරන බවද චක්‍රලේඛයේ දැක්වේ.

එමෙන්ම පළාත් අතර සංචරණ සිමා පැවතියද, සෑම නිලධාරියකුම අනිවාර්යෙන්ම සේවයට වාර්තා කළ යුතු අතර ඒ සඳහා නැවත ආයතන මගින් ප්‍රවාහන පහසුකම් ලබා නොදෙන බවද හෙතෙම කිවේය.
ඒ සඳහා අදාළ බලධාරීන් විසින් පොදු ප්‍රවාහන සේවා යථාවත් කරනු ඇති බවද රාජ්‍ය පරිපාලන චක්‍රලේඛයේ දැක්වේ.

චාමර පල්ලේගෙදර

ඔබේ ප්‍රතිචාරය කුමක්ද ?
පට්ට !
6
අවුල් වගේ !
1
හරි හිනා !
6
හම්මෝ !
1
මාර දුකයි !
3
මලපනිනව !
74
කුජීතයි !
5